На 4 кола до крајот на сезоната Силекс го изненади Работнички на домашен терен, па со тоа само направи услуга за првата титула на Ренова во фудбалскиот шампионат на Македонија.

Трета година по ред Фени Индустри успеа да се пласира во големото финале. Дури во четвртиот обид успеа да го совлада Торус на гости и со вкупни 3:1 во меѓусебната серија да се пласира во големото финале. Актуелниот освојувач на Купот го порази Торус со 74:82 и се избори за нова борба за шампионската титула, овој пат против Вардар Осигурување, која лани ја загуби од Работнички.

Ванчо и Филип Сарафови се познатите браќа кои ќе ја претставуваат Македонија во поединчна конкуренција на Европското првенство во чудо кое започна во Виена. Филип ќе настапи во категорија до 73, Ванчо до 81 килограм.

Финансиските проблеми не изостанаа и тука. Џудо федерацијата на Македонија немаше средства за да испрати повеќе натпреварувачи на шампионатот во Виена, а финансиите за патот на селекторот Игор Пасковски и котизацијата за учество на браќата Ванчо и Филип Сарафови, кои моментно живеат во Виена, беа обезбедини благодарение на клубот „Миоки“, чиј спонзор е македонскиот телекомуникациски оператор ТЕЛЕСМАРТ.

Вторникот беше посебен ден за Горан Пандев. Неговиот тим го декласираше европскиот шампион Барселона. Но денот го прави посебен и нешто друго. Сопругата на Горан Пандев, Надица, вчераутро во болницата во Милано го направи најсреќен Горан Пандев, донесувајќи на свет здраво машко дете.