”КАПИТАЛИЗМОТ И СЛОБОДНИОТ ПАЗАР - ЕДИНСТВЕНА ЕКОНОМСКА ВИСТИНА” беше темата на трибината што се одржа на 26.03.2010 со почеток во 18.30 часот во големата сала на Универзитетската Библиотека “Св.Климент Охридски” - Битола , во организација на Македонско-Австриската Асоцијација - Битола. Трибината со пригоден увод ја отвори претседателот на Македонско-Австриската Асоцијација-Битола, Никола Блајбершник, а потоа следеше предавањето на познатиот македонски блогер Виктор Трифиновски(capitalism.blog.mk), колумнист во „Дневник“ и „Нова Македонија“, кој повеќе години наназад ги проучува принципите на либералниот капитализам, во чии рамки доминантно место завземаат представниците на „Австриската Економска Школа“. Во делот на предавањето господинот Трифуновски накратко ги објасни принципите на современиот капитализам, потоа ги опфати темите за македонската економија и транзиција, за слободниот пазар, за здравственото и пензиското осигурување , за синдикатите, глобалната економија и др. 
Предавањето побуди интерес кај присутната публика што резултираше со низа прашања и интересна полемика во вториот дел од трибината.

Министерството за одбрана на Република Македонија и Делегација на вооружените сили на Република Турција денеска во Битола со воени почести и богата уметничка програма што ја приреди воениот оркестар на турскиот генералштаб, го одбележаа денот кога пред 111 години во овој град дипломирал таткото на модерна Турција, Кемал Ататурк.

Делегација на Здружението за македонско-турско пријателство „Мустафа Кемал Ататурк“ од Битола, во соработка со радио „Делфин“, веб порталот „БитолаИнфо“ и аудио-видео  студио „АВС К-89“, по повод меѓународниот ден на жената 8-ми Март ги посетија штитеничките на Домот за стари лица ,,Суе Рајдер“ од Битола. Делегацијата како израз на почитување им подели цвекиња , накитени со љубов и топли насмевки на госпоѓите во домот, а покрај тоа и пригодни подароци и домашно изработени колачи, месени специјалитети и безалкохолни пијалоци. Сепак чувството е дека најповеќе радост кај домаќинките донесе блискиот разговор, за кој несебично беа спремни членовите на делегацијата. Делегацијата беше поздравена и од директорот на Домот , при што е договорена и понатамошна соработка на здружението и Дом за стари лица ,,Суе Рајдер.

На Изборното собрание на Македонско-турското здружение “Мустафа Кемал Ататурк“-Битола, член на Сојузот на турски здруженија во Република Македонија, МАТУСИТЕБ, одржано во саботата, беа избрани новите органи на управување на организацијата.